რუსეთის ნაკრებმა საკუთარ ლუჯნიკების სტადიონზე დაამარცხა ინგლისის ეროვნული ნაკრები ანგარიშით 2-1. მაშინ როდესაც მასპინძლები პირველი ტაიმის შემდეგ აგებდნენ მატჩს რუნის მიერ მატჩის 29 წუთზე გატანილი გოლით 0-1. როგორც რუსეთის ჰოლანდიელმა მწვრთნელმა ჰიდინკმა განაცხადა, მატჩის შესვენებაზე მას არ სჯეროდა რომ მისი შეგირდები შეძლებდნენ შეხვედრის რადიკალურად შემოტრიალებას და საბოლოოდ თამაშის მოგებას. თუმცა ჰიდინკი არ მალავს რომ მან იცოდა თუ რუსეთის ნაკრები ანგარიშსს გაათანაბრებდა ინგლისელებს გაუჭირდებოდათ მატჩის სადავეების ხელში ჩაგდება. შედეგად ყველაფერი რუსი ფეხბურთელებისთვის წარმატებით დასრულდა. პავლიჩენკოს დუბლის წყალობით მათ დაამარცხეს ბრიტანელები და ჯგუფში არეული მდგომარეობა ბოლომდე შეინარჩუნეს. ამჯერად ე ჯგუფში ლიდერობს ხორვატიის ნაკრები 26 ქულით, რომელიც ფაქტიურად უკვე ევროპის ჩემპიონატზეა გასული. ინგლისის ნაკრებს 11 ჩატარებული მატჩიდან 23 ქულა აქვს. რუსებს კი 10 მატჩიდან 21 ქულა აქვთ და რეალური შანსი ჯგუფიდან გასვლისათვის.