გერმანიის საფეხბურთო ნაკრებისა და ლონდონის “არსენალის” გოლკიპერი იენს ლემანი დარწმუნებული არ არის, რომ გუნდის ძირითად შემადგენლობაში ადგილის დაბრუნებას შეძლებს, მაგრამ ოჯახის გამო მან მაინც ინგლისურ კლუბში დარჩენა გადაწყვიტა.
ამის შესახებ ვეტერანმა ფეხბურთელმა ინტერნეტ-გამოცემა Goal-ისთვის მიცემულ ინტერვიუში ისაუბრა.
“გუნდში ადგილის დასაბრუნებლად ყველაფერს გავაკეთებ, თუმცა შესაძლოა, არსენ ვენგერი ჩემზე იმედს აღარ ამყარებს. მიუხედავად ამისა, დორტმუნდის “ბორუსიაში” გადასვლაზე უარი ვთქვი, რადგან არ მინდოდა ჩემს ოჯახს საცხოვრებელი ხუთი თვით შეეცვალა. ბავშვებზე ამ დროით სასწავლებლის შეცვლა უარყოფითად იმოქმედებდა. გერმანიის ნაკრების მწვრთნელი საკვალიფიკაციო ტურნირში ჩემს გამოსვლას დადებითად აფასებს და ვნახოთ რა იქნება. ერთი კი ნამდვილად ვიცი – ევროპის ჩემპიონტზე თამაშის დიდი სურვილი მაქვს” – განაცხადა ლემანმა.